Կոնտե․ Մենք շարունակում ենք աճել ու ավելի ուժեղ դառնալ

ԵՐԵՎԱՆ, 10 ՕԳՈՍՏՈՍԻ, Armsport.am: «Ինտերի» գլխավոր մարզիչ Անտոնիո Կոնտեն Եվրոպա լիգայի խաղարկության քառորդ եզրափակիչում «Բայերի» դեմ խաղին ընդառաջ խոսել է իր թիմի մասին։

«Եվրոպայում հաջողություն գրանցելը շատ կարևոր է։ Դա փորձ է տալիս։ Ես հանգիստ եմ, երբ տեսնում եմ, որ տղաները սպորտային այդպիսի ագրեսիա ու ցանկություն ունեն վճռականության։

Թիմը շարունակում է աճել, մենք ավելի ուժեղ ենք դառնում։ Ես տեսնում եմ, որ բոլորը տրվում են աշխատանքին, և գոհ եմ նրանից, թե ինչ ենք մենք անում»,- Կոնտեի խոսքն է մեջբերում UEFA-ի պաշտոնական կայքը։

«Ինտեր» – «Բայեր» խաղը կկայանա այսօր ու կսկսվի Երևանի ժամանակով 23։00-ին։