AM | RU
USD
EUR
RUB

Կրթության մահարարը

 

ԵՐԵՎԱՆ, 4 ՍԵՊՏԵՄԲԵՐԻ, Times.am: Օր օրի սաստկանում է դժգոհությունը ԿԳՄՍ նախարար Արայիկ Հարությունյանի ու կրթության ոլորտի պատասխանատուների գործողություններից։ Արայիկ Հարությունյանն ընտրել է ինքնապաշտպանության «ստուգված» և դեռևս «աշխատող» մեթոդը։ Նա ամեն կերպ փորձում է իրենից դժգոհող բազմաթիվ քաղաքացիների որակել որպես մարգինալ, զուտ սեփական շահերի հետևից ընկած խումբ, մեղադրում նրանց «նախկին» լինելու մեջ ու նույնիսկ ավելի հեռուն գնում՝ կոչելով իր ընդդիմախոսներին «խավարամիտների բանակ»։

Նախարարն, կարծես, չի էլ փորձում վերլուծել՝ արդյո՞ք դժգոհությունները չունեն օբյեկտիվ պատճառներ։ Կամ գուցե վերլուծել և հասկացել է։

Եկեք հասկանանք միասին՝ ինչից են դժգոհում բարձրագույն կրթության ոլորտը ներկայացնող մարդիկ։

Ներկա պաշտոնյաները տարիներ շարունակ պնդել են, որ կրթությունն ունի խորը բարեփոխումների կարիք։ Դրա հետ վիճելը ինչպես առաջ, այնպես էլ՝ հիմա, անհնար է։ Բայց «բարեփոխումները» դարձան միմյանց հաջորդող հարվածներ կրթական համակարգին, որոնց արդյունքները հաղթահարելը տարիների տքնաջան աշխատանք է ենթադրում։

Երևի բոլորդ հիշում եք «հեղափոխությունը պիտի մտնի բուհեր» արտահայտությունը, որը շատերի կողմից թերահավատորեն էր ընդունվում։ Այնինչ, հեղափոխությունն, իրոք, մտավ բուհեր։ Հայաստանի գրեթե բոլոր մեծ համալսարաններում առաջացավ կառավարման ճգնաժամ։ Ամեն «հնի» դեմ կատաղի պայքարի արդյունքում ՀՊՏՀ ռեկտորը հրաժարական տվեց, հետո նշանակվեց ռեկտորի ժպ, հետո ժպ կրկին փոխարինվեց, հետո անցկացվեց ռեկտորի ընտրություններ, որի արդյունքները վիճարկվում են ռեկտորի նախկին պաշտոնակատարի կողմից՝ դատական կարգով, և դժվար է ասել՝ թնջուկը ե՞րբ և ինչպե՞ս կհանգուցալուծվի։

Մայր բուհում իրավիճակը ավելի հախուռն ստացվեց։ Սկզբում մի շարք «հեղափոխականներ» գրավեցին ԵՊՀ գիտական խորհրդի դահլիճը և սկսեցին իրականացնել բողոքի ակցիա՝ հիմքում դնելով 4 պահանջներ։ Բողոքողներից շատերն առաջին հերթին դժգոհ էին բուհի քաղաքականացվածությունից կամ՝ այլ կերպ ասած, ակադեմիական ազատության բացակայությունից և պահանջում ռեկտորի հրաժարականը՝ մատնանշելով նրա կողմից իրականացված ենթադրյալ չարաշահումները, որոնց մասին խոսվեց ամենաբարձր հարթակներից, սակայն երկուսուկես տարվա ընթացքում այդպես էլ չապացուցվեց։

Այս խմբի գործունեությունը, եթե անգամ չէր համակարգվում իշխանությունների կողմից, ինչին դժվար է հավատալ, ապա առնվազն իրականացվում էր կառավարության ներկայացուցիչների ամենաուղիղ մասնակցությամբ՝ ինչը հստակ է։ Հետո իշխանությունները հրաժարվեցին նշել մայր բուհի 100-ամյա հոբելյանը մինչև ռեկտոր Արամ Սիմոնյանը հրաժարական չտա։ Հետո տեղի տալով 100-ամյակի չհիշատակվելու վտանգին՝ Արամ Սիմոնյանը հրաժարական տվեց, բայց հարյուրամյակը, մինևնույն է, հավուր պատշաճի չնշվեց։ ԵՊՀ ռեկտորի ժամանակավոր պաշտոնակատար նշանակվեց նախկին պրոռեկտորը, ով 10 տարի շարունակ զբաղեցրել էր այդ պաշտոնը։ Արդյունքում ԵՊՀ-ն արդեն 1 տարուց ավելի է չունի ընտրված կառավարիչ, և բուհում շարունակվում է առճակատումը իշխանության դրածոների ու բոլոր նրանց միջև, ովքեր չեն կիսում նրանց մոտեցումները՝ համալսարանական ստորաբաժանումների լուծարման, համալսարանականների սևուսպիտակի բաժանման, ուսանողների կարծիքի անտեսման հարցում։ Համալսարանը երբեք այսպիսի կրկեսային ներկայացումներ չէր տեսել և հուսանք՝ չի տեսնի։

Նախարարության քայլերի հանգուցալուծումը կառավարության կողմից ներկայացված «Բարձրագույն կրթության և գիտության մասին» օրենքի նախագիծն էր, որը տարակուսանք առաջացրեց ակադեմիական շրջանակներում ոչ միայն իր «հակահայկական բնույթով» (ինչպես նշում են ընդդիմախոսները), այլև բուհերին ակադեմիական ինքնավարությունից զրկելու, ուսանողական ինքնակառավարման մարմիններին անտեսելու ընդգծված միտումով։

Այսպիսով, հեղափոխությունն իր ամենաքանդ մուրճով, իրոք, մտել է բուհեր ու մոտ է դրանք վերջնականապես քանդելուն։

Էդուարդ ԳԱԼՍՏՅԱՆ

 

Լրահոս
Առկա են Ավետիք Չալաբյանի անմեղությունը հավաստող բազմաթիվ փաստական տվյալներ Աշոտ Փաշինյանը դիմում է գրել և դուրս եկել բուհից․ Գեղարվեստի պետական ակադեմիա Բորիս Ջոնսոնը առաջիկա ժամերին հրաժարական կտա Հենրիխ Մխիթարյանն առաջին մարզումն է անցկացրել «Ինտերում» Հայաստան է ժամանել Իրանի Անվտանգության խորհրդի քարտուղար Ալի Շամխանիի գլխավորած պատվիրակությունը Ոսկու գինը նվազել է, արծաթինը՝ աճել ԵՄ-ն ուշադիր հետևում է ԲԴԽ գործունեությանը. «Ժողովուրդ» Ինչպիսի եղանակ է սպասվում Հայաստանում Սոնա Մնացականյանի հարազատները դիմել են միջազգային կառույցներին. «Ժողովուրդ» Սամվել Բաբայանն ու թիմն իշխանությունների դեմ դեմարշներ են անում. «Հրապարակ» Հացիկ-Մայիսյան ճանապարհին հրդեհի բռնկմամբ ՃՏՊ է տեղի ունեցել. կան վիրավորներ․ տեսանյութ Երևանի և 9 մարզերի որոշ հասցեներում մի քանի ժամ լույս չի լինի Գրպանահատություն՝ 33 համարի ավտոբուսում․ տեսախցիկները տեղադրված են, սակայն միացված չեն Դոլարի, եվրոյի և ռուբլու փոխարժեքը՝ հայաստանյան բանկերում Փաշինյանի «Հայկական խաչմերուկը» ոչ այլ ինչ է, քան Ադրեջան-Թուրքիա տարանցիկ կապի ապահովում «Հայաստան» և «Պատիվ ունեմ» խմբակցությունները՝ Թագուհի Թովմասյանին պաշտոնից հետ կանչելու մասին Հայաստանում «օրենքով գողեր» են ձերբակալվել Վրաերթի ենթարկված 8 ամսական երեխան մահացել է Ադամը Շիֆը հայ գերիներին անհապաղ ազատ արձակելու կոչով Ազգային անվտանգության հատկացումների ակտի լրացում է ներկայացրել Աշտարակի բանկերից մեկում պայթյուն է որոտացել․ ըստ նախնական տեղեկության՝ կա 1 զոհ և 5 տուժած «Դիմադրություն» շարժումն այսօր հանրային քննարկում կկազմակերպի Ինչու է Վանեցյանի որդին ազատվել բանակից ․ «Հրապարակ» Ով կարող է դառնալ Երեւանի քաղաքապետ․ «Հրապարակ» Պաշտոններից զրկելու հարցը ՍԴ-ում չեն վիճարկի. «Ժողովուրդ» Ինչպիսի եղանակ է սպասվում Հայաստանում Սահմանն այնքան անպաշտպան է եղել, որ տեղի բանակային կորպուսը որոշել է ականապատել որոշակի հատված. «Հրապարակ» Երևանի և 7 մարզերի որոշ հասցեներում մի քանի ժամ լույս չի լինի Իշխան Սաղաթելյանը Եվրախորհրդարանում ներկայացրել է «Դիմադրության» շարժման նպատակներն ու առաջիկա ծրագրերը Հրդեհ` Աբովյան փողոցում Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ»
Խմբագրի ընտրություն
website by Sargssyan