Շախմատ․ Մանուել Պետրոսյանը՝ Երևանի գավաթակիր

ԵՐԵՎԱՆ, 21 ՍԵՊՏԵՄԲԵՐԻ,  Armsport.am: Շախմատի տանը քիչ առաջ ավարտվեց Երևանի Գավաթի խաղարկության եզրափակիչը, որտեղ մրցում էին Մանուել Պետրոսյանն ու Զավեն Անդրեասյանը։ Մանուել Պետրոսյանը հաղթանակ տարավ 2-0 հաշվով ու նվաճեց Գավաթը։

Կիսաեզրափակչում Մանուելը հաղթել էր Շանթ Պետրոսյանին, իսկ Զավեն Անդրեասյանն առավելության էր հասել Ռոբերտ Հովհաննիսյանի նկատմամբ։

Նշենք, որ այս մրցաշարն անցկացվում է առաջին անգամ։