Հայաստանի վարչապետը Թուրքիային մեղադրել է անկայունություն «արտահանելու» համար
Նմանատիպ
ԵՐԵՎԱՆ, 30 ՍԵՊՏԵՄԲԵՐԻ, Tert.am: ՀՀ վարչապետ Նիկոլ Փաշինյանը Թուրքիային մեղադրել է անկայունություն «արտահանելու» համար, գրում է «ՌԻԱ Նովոստի» գործակալությունը:
«Երեկ մեր արտգործնախարարն ասել է, որ Թուրքիան արտահանում է անկայունություն: Այո՛, Թուրքիան անկայունություն է արտահանում Մերձավոր Արևելք, Միջերկրական ծով և Հարավային Կովկաս»,- ռուս լրագրողների հետ զրույցում ասել է Փաշինյանը:
Վարչապետի խոսքով ՝ ինքը գործընկերների հետ զրույցներում նրանց ուշադրությունը հրավիրել է Թուրքիայի պահվածքին:
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Արցախի զինուժը խոցել է հակառակորդի 7 ուղղաթիռ, 72 անօդաչու թռչող սարք, 137 միավոր զրահատեխնիկա, հիմնականում տանկեր, մեկ ինքնաթիռ, 82 ավտոտրանսպորտ, 4 զրահափոխադրիչ 82Ա:
Հակառակորդն ունի ավելի քան 790 զոհ, որից 180–ը Քարվաճառի ուղղությամբ, ավելի քան 1900 վիրավոր։ Հայկական կողմից, նախնական տվյալներով, կա 80 զոհ և մոտ 200 վիրավոր, որոնցից մոտ 120–ն են շարունակում բուժում ստանալ, մյուսներն ապաքինվել և վերադարձել են շարք։
Ադրբեջանի Զինված ուժերը թիրախավորել է նաև Հայաստանի Հանրապետության զինվորական և քաղաքացիական ենթակառուցվածքները, որի արդյունքում Վարդենիսի շրջանում սպանվել է 1 քաղաքացիական անձ:
Հայաստանում և Արցախում սեպտեմբերի 27-ին հայտարարվել է ռազմական դրություն։
Հետևեք մեզ նաև Telegram-ում