Թրամփը մտադիր է հայցեր ներկայացնել բոլոր նահանգներում, որտեղ հաղթանակը տրվել է Բայդենին

ԵՐԵՎԱՆ, 5 ՆՈՅԵՄԲԵՐԻ, Tert.am: ԱՄՆ նախագահ Դոնալդ Թրամփը հայտարարել է, որ մտադիր են բողոքարկել առանցքային նահանգերում ընտրությունների արդյունքները, որոնցում հաղթանակի է հավակնում դեմոկրատ Ջո Բայդենը:

«Մենք իրավաբանորեն կվիճարկենք բոլոր նահանգները, որոնցում հաղթանակի է հավակնում Բայդենը, ընտրություններին խարդախության համար: Շատ ապացույցներ կան, պարզապես հետևեք ԶԼՄ-ներին: Մենք հաղթելու ենք»,- РИА Новости-ի փոխանցմամբ՝ իր թվիթերյան էջում գրել է հանրապետական թեկնածուն:

ԱՄՆ-ում նոյեմբերի 3-ին կայացել է համընդհանուր ընտրությունների քվեարկությունը, որի արդյունքները որոշ նահանգներում դեռ հայտնի չեն: Առաջատար ամերիկյան հեռուստաալիքների հաշվարկներով՝ առաջատարը Բայդենն է: Վերջնական հաղթանակի համար նրան մնում է ընտրիչների 6 ձայն ստանալ:

Ներկա պահին նա ունի 264 ձայն, իսկ Թրամփը՝ 214: Հաղթանակի համար անհրաժեշտ է 270-ը: