Չեխիայում մասունք են գտել, որը կարող է լինել Սուրբ Խաչի Մեխը

Չեխ հնագետները Միլևսկո քաղաքի վանքի պարսպի խոռոչում գանձ են գտել՝ ոսկով ու արծաթով զարդարված փայտե տուփի բեկորներ և երկաթե մեխի վեց սանտիմետրանոց կտոր՝ ոսկե խաչով: Նրանք չեն բացառում, որ դա կարող է լինել մեխի մի մասը, որով Հիսուս Քրիստոսին գամել են խաչին կամ այդպես են մտածել նրանք, որ թաքցրել են գանձը: Ծանրաքաշ ոսկե թիթեղի վրա, որն ի սկզբանե զարդարել է տուփի խուփը, փորագրված է խաչ և երկու տառ՝ «IR», որը կարող է լինել լատիներեն Iesus rex-ի, այսինքն՝ Հիսուս թագավորի, հապավումը: Ըստ Idnes.cz պարբերականի, գանձը հայտնաբերվել է Միլևսկոյի Սուրբ Եղիա եկեղեցու թվային 3D մոդելի ստեղծման նպատակով անցկացված հնագիտական հետազոտությունների և տվյալների հավաքագրման ընթացքում:

Աղբյուր՝ Irates.am