Սիրո տոնը

Ժողովրդական արվեստների թանգարանը հունվարի 30-ին հրավիրում է անցկացնելու Ս․ Սարգսի տոնը։ «Կատարել սիրահարվածների փափագը, պաշտպանել հղիներին ու ճանապարհորդներին, հաղթանակ բերել պատերազմողներին, ազատություն պարգևել գերիներին, հնազանդեցնել կարկուտն ու քամին, հալածել դևերին, բժշկել հիվանդներին․ սրանք «մուրազատու», «մեծ գերեհան» Սուրբ Սարգսին վերագրվող այն զորություններն են, որոնց տարիներ շարունակ հավատացել և իր աղոթքն է ուղղել հայ ժողովուրդը»,- նշված է թանգարանի տարածած հաղորդագրության մեջ։

Տոնի խորհուրդը կներկայացնեն Տեր Շահե քահանա Հայրապետյանը և ժողովրդական վարպետ Լալա Մնեյանը։ Տոնի առթիվ թանգարանի Դիլիջանի մասնաճյուղից բերվել է երազանքների հրաշագործ աթոռը։ Հունվարի 29-30-ը ընձեռվում է նաև թեմատիկ տաղավարներում լուսանկարվելու, աղի բլիթներ ձեռք բերելու հնարավորություն։ Մուտքը՝ թանգարանի տոմսերով։

Աղբյուր՝ Irates.am