Հովհաննես Գրիգորյան․ Դեմոկրատիա

Արջը հեծանիվ էր քշում,
թութակը ոտանավորներ էր արտասանում,
կապիկները սիրահետում էին իրենց վարժեցնողին,
լարախաղացը ճարպկորեն թռչկոտում էր լարի վրա…
Հետո հանկարծ ամեն ինչ փոխվեց միանգամից,
և հիմա
արջը ոտանավոր է արտասանում,
թութակը հեծանիվ է քշում,
կապիկները թռչկոտում են լարի վրա,
լարախաղացը ճարպկորեն սիրահետում է իրեն վարժեցնողին:
…Ինչ-որ բան է փոխվել ժողովրդի մեջ – ծիծաղելով նկատեց ծաղրածուն
Ծիծաղելով ինչ- որ բան է փոխել ծաղրածուն – նկատեց ժողովուրդը…