«Ճիչը» կտավի վերին անկյունում գրությունն արված է հենց Մունկի կողմից

Նորվեգիայի ազգային թանգարանի կողմից ձեռագրերի վերլուծության համար նախատեսված տեխնոլոգիայի կիրառմամբ կատարված հետազոտությունը հաստատել է, որ Էդվարդ Մունկն ինքն է իր «Ճիչը» կտավի վերին ձախ անկյունում արված գրության հեղինակը:

artguide.com-ի հաղորդմամբ, նախկինում մասնագետները տարբեր ենթադրություններ էին հայտնում այն մասին, թե ով կարող էր մատիտով նկարի վրա գրել՝ «միայն խելագարը կարող է նկարել»՝ նկարիչն ինքը կամ վանդալ-դիտողը։

Այժմ թանգարանի համադրող Մեյ Բրիթ Գյուլենգը հաստատել է. «Գրությունը, անկասկած, պատկանում է Մունկին»:

Ենթադրվում է, որ հեղինակը այս գրությունն ավելացրել է այն բանից հետո, երբ առաջին ցուցահանդեսից հետո նկարը խիստ քննադատության է ենթարկվել:

Աղբյուր՝ Panorama.am