Նախագահը ՍԴ չուղարկեց ԳՇ պետին ազատելու փաստաթուղթը
03/03/2021 19:42
Նմանատիպ
ՀՀ նախագահ Արմեն Սարգսյանը ԳՇ պետ Օնիկ Գասպարյանին աշխատանքից ազատելու` վարչապետի փաստաթուղթը չուղարկեց Սահմանադրական դատարան։ Բաղրամյան պողոտայում ընթացող հանրահավաքի ժամանակ այս մասին հայտնեց Հայրենիքի փրկության շարժման վարչապետի թեկնածու Վազգեն Մանուկյանը։
Նշենք, որ նախագահը պետք է եռօրյա ժամկետում ՍԴ դիմեր` Գասպարյանի աշխատանքից ազատման փաստաթուղթը վիճարկելով։ Երեք օրն այսօր լրացավ։
«Իրավաբանները գտան մի միջոց, ըստ որի` մինչև մարտի 8-ը Օնիկ Գասպարյանին պաշտոնանկ անել չեն կարող։ Արանքում նախագահը նորից պետք է միջամտի ՍԴ։ Այդ խոստումն ու իրադրությունն է բացատրվել մեր` նախագահական այցելած պատվիրակությանը։ Այսինքն` այն, ինչ ուզում էինք, չստացանք, ստացանք կիսատ–պռատ»,–ասաց Մանուկյանը։
Հետևեք մեզ նաև Telegram-ում