Հնդկական օվկիանոսում նոր մայրցամաք է ձևավորվում
Նմանատիպ
Գիտնականների միջազգային խումբը եկել է եզրահանգման, որ Հնդկական օվկիանոսում լիարժեք կերպով նոր մայրցամաք է ձևավորվում։ Նման եզրակացության մասնագետները եկել են՝ Կերգելեն կղզախմբի հողն ուսումնասիրելու արդյունքում։ Եթե վարկածը հաստատվի, ապա ողջ աշխարհի գիտնականները պետք է վերանայեն Երկիր մոլորակի վրա մայրցամաքների կազմավորման ընդունված տեսությունը։
Գիտության մեջ ընդունված է համարվում այն տեսությունը, համաձայն որի՝ մայրցամաքների երկրակեղևը կարող է առաջանալ միայն լիտոսֆերային սալերի փոխազդեցության գոտիներում, ցամաքի և օվկիանոսների սահմաններում։ Սակայն վերջերս ավստրալացի և ֆրանսիացի գիտնականները եկել են եզրահանգման, որ մայրցամաքների երկրակեղևի ձևավորումը կարող է տեղի ունենալ նաև օվկիանոսային պլատոների վրա։ Վառ օրինակ է Կերգելեն կղզախումբը, որն, ըստ էության, հնագույն հրաբուխների բարձունք է հանդիսանում։ Վերջիններիս ժայթքումներից հետո հրաբխային ապարները կղզու հողը դարձրել են շատ հաստ հողային ընդերք ունեցող, որը բնորոշ է ցամաքին, այլ ոչ օվկիանոսներին:
Բազմաթիվ հազարամյակներ անց գիտնականները հայտնաբերել են, որ կղզախմբի ընդերքում կա գրանիտե ապարների մագմատիկ գոյացություն, որը ժամանակի ընթացքում հիմք կդառնա յոթերորդ մայրցամաքի ստեղծման համար։
Նյութի աղբյուրը՝ blognews.am
Հետևեք մեզ նաև Telegram-ում