AM | RU
USD
EUR
RUB

Որտե՞ղ է հայկական շահը. Տիգրան Աբրահամյան

 

Tert.am–ը ներկայացնում է «Հենակետ» վերլուծական կենտրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի հոդվածը, որում նա անդրադառնում է վերջին շրջանում Արցախի ճանապարհներին գրանցված միջադեպերին: Հեղինակը նշում է՝այդ միջադեպերից հետո պարզ է դառնում՝ Ադրբեջանի հետ որևէ պայմանավորվածություն չի կարող անվտանգ լինել: Հոդվածը կարդացեք ստորև։

Վերջին մեկ շաբաթվա ընթացքում Արցախի ճանապարհներին երկրորդ ադրբեջանական սադրանքն է գրանցվել: Առաջինը՝ մարտի 25-ին, Կարմիր Շուկա-Սարուշեն ճանապարհին էր, երբ ադրբեջանական զինվորական մեքենաներից քարերով հարվածել էին այնտեղով անցնող հայկական համարանիշներով մեքենային:

Երկրորդն արդեն գրանցվեց երեկ՝ Շուշի-Լիսագոր ճանապարհահատվածին. քարեր էին նետել զոհվածների աճյունները Գորիս տեղափոխող մեքենայի ուղղությամբ, դիմացի ապակին լրջորեն վնասվել է:

Բարեբախտաբար մեքենայի վարորդը ճիշտ կողմնորոշվել է՝ չի կանգնել և որքան հնարավոր է արագ հեռացել է այդ հատվածից:

Կարմիր Շուկա-Սարուշեն և այնտեղից Ստեփանակերտ կամ Շուշի ճանապարհը գտնվում է հայկական վերահսկողության տակ, իսկ Շուշի-Լիսագոր-Բերձոր-Գորիս ճանապարհի վերահսկողությունն, ըստ նոյեմբերի 10-ի եռակողմ հայտարարության, դրված է ռուս խաղաղապահների վրա:

Չնայած այս երկու միջադեպերի ճանապարհները տարբեր կարգավիճակներ ունեն, սակայն երկու դեպքում էլ անվտանգության հարցը դրված է եղել ռուս խաղաղապահների վրա:

Կարմիր Շուկայի միջադեպի ժամանակ, ադրբեջանական շարասյանը ուղեկցել են ռուս խաղապահները ու նրանք են եղել իրավիճակի և այդտեղով անցման անվտանգության պատասխանատուն, իսկ Շուշի-Լիսագոր հատվածը ցանկացած պարագայում նրանց իրավասության տարածքն է:

Նման միջադեպերը, հատկապես որ դրանք մեկ շաբաթվա ընթացքում կրկնվում են, ազդակներ են հղում ոչ միայն հայկական, այլ նաև ռուսական կողմին:

Արցախի առումով խնդիրը մշտապես բնակչությանը ահի մթնոլորտում պահելն է, ըստ այդմ՝ նպաստել նրանց արտագաղթին և որևէ ձևով ապագան չկապել Արցախի հետ:

Ռուսաստանի մասով, Ադրբեջանը (չի բացառվում, որ Թուրքիայի և այլ խաղացողների ակտիվ մասնակցությամբ) փորձում է հեղինակազրկել Արցախում խաղաղապահ առաքելություն իրականացնող ռուսական զորախմբին, ցույց տալ, որ նրանք իրենց ստանձնած պարտավորությունները պատշաճ կերպով չեն կատարում՝ առհասարակ կասկածի տակ դնելով ՌԴ հեղինակությունը ողջ գործընթացում, երկարաժամկետ կտրվածքով՝ ՌԴ-ի ներկայությունը տարածաշրջանում բացառելու նպատակով:

Համոզված լինելով, որ Ռուսաստանում լավագույնս գիտակցում են ադրբեջանական սադրանքների իրական դրդապատճառները, դեռ պարզ չէ, թե ի վերջո ի՞նչ հակազդեցություն կբերի այն:

Սա զուտ միջադեպ չէ, սրանում կա ընդգծված քաղաքական բաղադրիչ, որի սուր մասն ուղղված է ՌԴ-ի ուղղությամբ:

Հիմա գանք խնդրի այլ՝ առավել լայն կոնտեքստին: Պատկերացրեք իրավիճակ, որ տարածաշրջանային կոմունիկացիաները բացվել են, Ադրբեջանն ու Թուրքիան կառուցում են Քաշաթաղը Նախիջևանին կապող մայրուղի, երկաթգիծ, որի վերահսկողությունն իրականացնում է ռուսական կողմը, իսկ Հայաստանը նույն իրողությունների շրջանակներում հնարավորություն է ստացել Ադրբեջանի տարածքով բեռներ տեղափոխել Ռուսաստան:

Վերջին շաբաթվա 2 միջադեպերն արդեն իսկ պարզ օրինակ են առ այն, որ Ադրբեջանի հետ որևէ պայմանավորվածություն, հատկապես, որ խոսք է գնում նրանց երաշխավորվածությամբ և իրենց տարածքով իրականացվող գործընթացի մասին, չեն կարող անվտանգ լինել: Տարածաշրջանային ապաշրջափակման պայմաններում, միգուցե, որոշ ժամանակ օգտվեն իշխանության հովանավորչությունը ունեցող մեկ կամ մի քանի գործարարներ, սահմանափակ թվով անհատներ, սակայն այս ողջ գործընթացը հղի է անվտանգային հսկայական ռիսկերով:

Հայաստանը մտել է մի գործընթացի մեջ, որտեղ բացի հայից, հայկական պետություններից, շահում են գրեթե բոլորը: Ու այս ամենը՝ Հայաստանին ու Արցախին սպառնացող նոր ռիսկերով ու անորոշ հեռանկարով:

Մինչև հիմա չկա հաշվարկ, թե ինչ քաղաքական, տնտեսական, սոցիալական և որ ամենակարևորն է՝ անվտանգային հետևանքներ կունենա տարածաշրջանային ապաշրջափակումն այն պարագայում, երբ խոսք է գնում մեր նկատմամբ թշնամաբար տրամադրված Ադրբեջանի ու Թուրքիայի հետ խիստ կասկածելի գործընթացի մեջ մտնելու մասին:

Որտեղ է հայկական շահը և ինչո՞ւ է իշխանությունը ստեղծված ծանր իրողությունների պայմաններում, հետևողականորն գնում այս վտանգավոր պրոցեսով:

Լրահոս
Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր Երևանում հետխորհրդային շրջանում առաջին անգամ կառուցվել է տրոլեյբուսային երթուղու նոր ուղեհատված «Ես կվերադառնամ»․ 50 Cent-ը Երևանից լուսանկար է հրապարակել
Խմբագրի ընտրություն
website by Sargssyan