Բաքվում սկսվել են ՌԴ եւ Ադրբեջանի նախագահների միջեւ բանակցությունները
Նմանատիպ
Ադրբեջանի նախագահի Բաքվի «Զագուլբա» նստավայրում այսօր տեղական ժամանակով մոտ ժամը 16:00-ին սկսվել են աշխատանքային այցով այդ երկիր ժամանած Ռուսաստանի Դաշնության նախագահ Վլադիմիր Պուտինի եւ Իլհամ Ալիեւի միջեւ բանակցությունները, հայտնում է «Թուրան» լրատվական գործակալությունը:
Նշվում է, որ երես առ երես հանդիպումից հետո բանակցությունները կշարունակվեն ընդլայնված կազմով:
ՌԴ նախագահին ուղեկցում է կառավարական մեծ պատվիրակություն, այդ թվում Արտաքին գործերի եւ Պաշտպանության նախարարությունների ղեկավարները եւ այլ պաշտոնատար անձինք: Այնուհետեւ տեղի կունենա երկկողմանի համաձայնագրերի ստորագրման արարողությունը եւ նախագահների մամուլի ասուլիսը:
Ըստ «Թուրան»-ի’ այսօր եւեթ Վլադիմիր Պուտինը կմեկնի Բաքվից: Նրան ուղեկցող անձանց մի մասը կմնա, եւ կճանապարհվի Գաբալա, որտեղ օգոստոսի 14-ին կշարունակվեն բանակցությունները:
Ենթադրվում է, որ ՌԴ նախագահ Վլադիմիր Պուտինը Բաքվից կուղեւորվի Իրան: «ՄԻՐ» հեռուստաալիքն այսօր առավոտյան հայտնել է, որ Պուտինը Բաքու է ժամանում Ռուսաստանի Կասպյան նավակազմի ռազմական նավով’ այլ ռազմական նավերի ուղեկցությամբ:
Հետևեք մեզ նաև Telegram-ում