Մարդու իրավունքները գերակա են ադրբեջանական նավթի նկատմամբ. Մորնինգսթար
Նմանատիպ
Ադրբեջանում ԱՄՆ դեսպան Ռիչարդ Մորնինգսթարը եւ նրա կինը’ Ֆեյթ Մորնինգսթարը Մասաչուսեթս նահանգում հանդես են եկել «Ադրբեջանն ու Ամերիկան. դեսպանի հայացքը» թեմայով զեկույցով: Միջոցառումը կազմակերպել են Սիփփիքան պատմագիտական հանրությունը եւ Էլիզաբեթ Թեյլոր գրադարանը: Զեկույցում Մորնինգսթարն անդրադարձել է Ադրբեջանի եւ ԱՄՆ-ի հարաբերություններին վերաբերող հարցերին:
Նշելով, որ Ադրբեջանը ռազմավարական առումով եւ աշխարհագրորեն կարեւոր երկիր է տարածաշրջանում, Մորնինգսթարն ասել է. «Մարդիկ ասում են, թե մեզ հիմնականում հետաքրքրում է Ադրբեջանի էներգետիկական ռեսուրսները: Դա ճիշտ չէ: Աշխարհաքաղաքականության, ժողովրդավարության եւ մարդու իրավունքների հետ կապված հարցերն ավելի կարեւոր են»:
Դեսպան Մորնինգսթարից հետո ելույթ է ունեցել Ֆեյթ Մորնինգսթարը: Նա պատմել է Ադրբեջանում կանանց իրավունքների հետ կապված իրավիճակի եւ իր նախաձեռնությունների մասին:
Ելույթներից հետո զեկուցողները պատասխանել են միջոցառման մասնակիցների հարցերին:
Հետևեք մեզ նաև Telegram-ում