Գերմանական աղբյուր. Ալ-Քաիդան հարձակումներ է նախապատրաստում եվրոպական գնացքների վրա

Ալ-Քաիդան պլանավորում է հարձակում գործել եվրոպական արագընթաց գնացքների վրա: Ինչպես գրում է Jerusalem Post-ը, այս մասին հայտարարել է գերմանական Bild թերթը’ հղում անելով հետախուզական աղբյուրներին:

Ըստ աղբյուրի, զինված խումբը հավանաբար թիրախ է ընտրել գնացքներն ու թունելները’ մտադրության ունենալով սաբոտաժի ենթարկել երկաթուղային ճանապարհներն ու էլէկտրական լարերը:

Գերմանական թերթը նշում է, որ տեղեկատվությունը գալիս է վստահելի հետախուզական աղբյուրից. ԱՄՆ Ազգային անվտանգության գործակալությունը լսել է Ալ-Քաիդայի բարձրաստիճան անդամների հեռախոսազրույցները:

Արդյունքում իշխանությունները հատուկ հսկողություն են սահմանել կանգառներում եւ գլխավոր երթուղիներում: