AM | RU
USD
EUR
RUB

Ի՞նչ է առաջարկում Ուրիխանյանը հունիսի 20-ին ընտրակեղծարարությունից խուսափելու համար

 

Եթե հայտարարվում է, որ հասարակության գրեթե կեսը, ավելի ճիշտ՝ ընտրելու պատրաստ մարդկանց կեսը՝ 40-45 %-ը իբր կողմնորոշված չէ, ապա ես կարող եմ ասել, որ ներկայանախկինական պատերազմի, ցեխի, փոխադարձ դուելի մթնոլորտում մարդիկ բնականաբար կողմնորոշված չեն լինելու կամ իբրև թե կողմնորոշված չեն լինելու։Այս մասին քիչ առաջ  քարոզարշավի շրջանակներում  համախոհների և վստահված անձանց համապետական շտաբի ներկայացուցիչների հետ հանդիպման ժամանակ հայտարարեց «Մեր տունը Հայաստանն է»-ի ցուցակը գլխավորող Տիգրան Ուրիխանյանը։ Ներկայացվեցին նաև քվեարկության և հաշվարկի վերահսկողության գործընթացի մանրամասներ։

«Եթե հայտարարվում է այդպես, ուրեմն հաստատ իմացեք, որ այն ուժերը, որոնք բացարձակ չապ չունեն ոչ նախկինների, ոչ ներկաների հետ, ունեն բացարձակ հնարավորություն,կատարյալ հնարավորություն, լիարժեք հնարավորություն, աննախադեպ հնարավորություն ժողովրդին մատուցելու ոչ թե սրան կամ նրան վերացնելու խոստում, այլ ժողովրդին մատուցելու ծրագիր, թե ինչպես է, ասենք, քաղաքացին սկսելու իր հոգսերը տանել, ինչպես է քաղաքացին արդեն սկսելու ապրել զարգացման ճանապարհով, ինչպես է քաղաքացին լուծելու առողջապահական խնդիրները, կրթության հետ կապված հարցերը ու ամենակարևորը՝ ինչպես է իրեն քաղաքացին զգալու անվտանգ ,կայուն ու ամուր։

Մեր իշխանության գալուց ժամեր անց, քաղաքացին իմանալու է, թե որն է պատճառը, որ մեր երկրի տարածքում գտնվում են թշնամիներ, ժամեր անց ռազմավարական գործընկերները տեղեկացվելու են, որ մենք սկսում ենք հակազդեցության միջոցառում ու պատժիչ գործողություններ՝ դրանից բխող հետևանքներով հանդերձ, այսինքն՝ ռազմավարական գործընկերոջ և մյուս գործընկերների պարտավորությունների կատարմամբ, իսկ այդ դեպքում ՀՀ-ում չի կարող այլևս լինել նման վիճակ։ Դրանից հետո կփակվի ցանկացած հարց, որը կապված կլինի Հայաստանի Հանրապետության ճանաչված տարածքների հետ»,- ասաց Ուրիխանյանը։

«Ես ուզում որոշ տեղեկություններով փոխանակվել Ձեզ հետ՝ կապված ընտրությունների հետ, ընտրատեղամասերի հետ և այլն։ Օրինակ՝ մայրաքաղաքաքի ընտրատեղամասերի թիվը, եթե չեմ սխալվում, 460-ից մի փոքր ավել է։ Դրա համար անհրաժեշտ է, որպեսզի մեր երևանյան շտաբների կողմից ձևավորված վստահված անձանց թիվը նախ համապատասխանի կամ գուցե նաև գերազանցի ընտրատեղամասերի թվին։ Մեզ անհրաժեշտ է 460 հոգի, որոնք կհետևեն քվեարկության պրոցեսին, 460 հոգի էլ հարկավոր է, որպեսզի նրանք էլ ժամը 08։00-ից հետո, տեղամասերը փակելուց հետո, հետևեն հաշվարկի պրոցեսին։ Իսկ ի՞նչ կարող է տեղի ունենալ հաշվարկի պրոցեսի ժամանակ։ Ժամանակին եղել են դեպքեր , երբ դրանց հետ կապված հարուցվել են քրեական գործեր, իսկ հիմա գիտեք, որ օրենսդրությունը շատ ավելի խիստ է ու հուսամ , որ իրավապահ մարմինները շատ ավելի էական են աջակցելու վստահված անձանց, դիտորդներին, հանձնաժողովի անդամներին և այլն։ Եղել են դեպքեր նախկինում ու հիմա մենք իրավունք ունենք մտածելու, որ այդ դեպքերը կարող են հիմա էլ լինեն։ Եղել են դեպքեր, երբ ընթերցելով որևէ քվեաթերթիկի անվանում, տվյալ հանձնաժողովի անդամը, նախագահը կամ որևէ այլ հնարավորություն ունեցող մարդ, այն տեղադրում է ոչ թե համապտասախան,տվյալ քաղաքական ուժի տրցակում, այլ ուրիշ քաղաքական ուժի քվեաթերթիկների տակ, վրա կամ ներքո։Սա քրեորեն պատժելի արարք է։ Նրանք,ովքեր հսկելու են պրոցեսը, պիտի հետևեն,որ քվեաթերթիկը ներկայացվի բոլորին, դրանից հետո դրվի այնտեղ, որտեղ հավաքվում են թիվ 10՝ «Մեր տունը Հայաստանն է» միասնական ցուցակի քվեաթերթիկները, ցավոք սրտի, պիտի հետևել նաև, որպեսզի այդ ողջ պրոցեսի ժամանակահատվածում որևէ մեկը չփորձի դրանից հանել քվեաթերթիկներ, որովհետև այդպիսի դեպքեր ևս եղել են։ Անհրաժեշտ է սրանից հետո արդեն ստանալ ամփոփ արձանագրությունը ,սա մի փաստաթուղթ է,որը կնքվում ու ստորագրվում է հանձնաժողովի կողմից։ Եղել են դեպքեր, երբ համապատասխան թվով քվեաթերթիկների և ամփոփ արձանագրության մեջ նշված թվերը միմյանցից տարբերվել են։Սա էլ է պատժելու ենթակա գործողություն, իհարկե՝ սահմանված մեր գործունեությամբ»,- ասաց Ուրիխանյանը՝ խոսելով ընտրական պրոցեսի, մասնավորապես՝ քվեարկության օրվա՝ հունիսի 20-ի մասին։

Ամբողջական հոդվածը կարող եք կարդալ այս հասցեով՝ : https://hraparak.am/post/1f12bff93493fd1dcc26f89bfc7b4efb

© 2008 - 2021 «Հրապարակ օրաթերթ»

Լրահոս
Ինչ վտանգներ կան հայհոյանքի քրեականացման տակ Խոշոր ավտովթար-հրդեհ Երևանում. Opel-ը վերածվել է մոխրակույտի Ադրբեջանը թաքցնում է հայ գերիների ճշգրիտ թիվը. Փաշինյան Ինչո՞ւ Թուրքիան հայտարարեց Ադրբեջանի հետ համատեղ բանակ ստեղծելու մասին Դեսպաններին սկսել են նշանակել երեք տարով Հայաստանի ժուռնալիստների միությունը հայտարարություն է տարածել ՔՊ-ական որ պաշտոնյաներն են հարվածել հպարտ քաղաքացիների գրպանին Իրանը Թուրքիային օգնություն տրամադրելու պատրաստակամություն է հայտնել Հայտնաբերվել է ևս մեկ զինծառայողի աճյուն Նոր նշանակում ԱԳՆ-ում ԱԺ-ն միաձայն ընդունեց հայհոյանքը քրեականացնող նախագիծը Փաշինյանը պաշտոնյաների է պարգևատրել ԵԽ–ում դատապարտել են Բաքվին Պուտինի եւ Մերկելի բանակցությունները ուղեկցվել են հայհոյանքով եւ բղավոցներով ԱԺ ընդդիմադիր խմբակցությունները ԱԺ փոխնախագահի թեկնածուի հարցում համաձայնության են եկել Բրազիլիայում ձյուն է տեղացել. ՏԵՍԱՆՅՈՒԹ Հայ-ադրբեջանական սահմանին ստեղծված իրավիճակի մասին ՌԴ ԱԳՆ-ն նոր հայտարարություն է տարածել Թե՛ Մոսկվան, թե՛ Բաքուն զգուշությամբ են վերաբերվել Փաշինյանի նոր մտահղացմանը. Коммерсантъ Թբիլիսիում մահացած են գտել ադրբեջանցի ընդդիմադիր բլոգերին Ադրբեջանական զինված ուժերը կրակը ակտիվացրել են Երասխի ուղղությամբ «Կակոյ պրիվետ, տակոյ ատվետ». հրաժարվել են պատվաստվել, զրկվել են հավելավճարներից. «Իրավունք» Հերթական աղմկահարույց նախագիծն են ընդունելու. մանրամասներ. «Հրապարակ» Կառավարությունում Փաշինյանի հանձնարարականները չեն կատարում. «Ժողովուրդ» «Պատիվ ունեմ» դաշինքն այս հանձնաժողովի նախագահի պաշտոնում հնարավոր թեկնածու է դիտարկում Տիգրան Աբրահամյանին. «Իրավունք» Կցկտուր ցուցմունքներ՝ Ջալալ Հարությունյանի դեմ մահափորձի գործով. «Ժողովուրդ» Թշնամին հենց այս վայրում կրակել է նաև Արման Թաթոյանի այցի ժամանակ Անգամ Բաբաջանյանը հրաժարվեց. «Հրապարակ» Երկրաշարժ` ՀՀ տարածքում Ինչ իրավիճակ է հայ-ադրբեջանական սահմանում ՕՐՎԱ ԽՈՐՀՈՒՐԴԸ: Հուլիսի 30 Պատրաստվում է հայկական բանակի կազմալուծում. փորձագետ Վարդենիսում թշնամու երկրորդ ԱԹՍ-ն է խոցվել. Աղբյուր Վարդենիսի երկնքում անօդաչու սա՞րք է խոցվել Որքա՞ն զոհ ունի Հայաստանը նոյեմբերի 11-ից հետո «Վեոլիա Ջուր»-ը տեղեկացնում է իր հաճախորդներին և սպառողներին. Ջուր չի լինելու Human Rights Watch-ը դատապարտում է Բաքվում հայ գերիների ապօրինի քրեական հետապնդումները ԱԺ-ն վաղն արտահերթ նիստ կանցկացնի ԵԱՀԿ Մինսկի խմբի համանախագահների հայտարարությունը Նիկոլ Փաշինյանը նոր նշանակում է արել Վերին Շորժա բնակավայրը գտնվում է ադրբեջանական զինված ուժերի նշանառության տակ․ ՄԻՊ
Խմբագրի ընտրություն
website by Sargssyan