Հռոմի Պապը հայտարարել է Կիև այցելելու հնարավորության մասին

ԵՐԵՎԱՆ, ԱՊՐԻԼԻ 2, Times․am: Հռոմի Ֆրանցիսկոս Պապը դիտարկում է Կիև այցելելու հրավերը։ Այս մասին հայտնում է Ansa գործակալությունը։

«Այո, հրավերը սեղանին է»,-հայտարարել է Պապը Մալթա կատարած այցի ժամանակ։

Մարտ ամսին Կիևի քաղաքապետ Վիտալի Կլիչկոն հրավեր էր ուղարկել Հռոմի Պապին այցելելու Ուկրաինայի մայրաքաղաք։ Անհնարինության դեպքում Կլիչկոն առաջարկել էր տեսակոնֆերանս կազմակերպել Կիևի և Վատիկանի միջև։