Ադրբեջանի ԶՈՒ-ն խոշոր տրամաչափի զինատեսակներից կրակ է բացել Վայոց ձորի Ելփին գյուղի ուղղությամբ. ՊՆ
07/07/2022 19:45
Նմանատիպ
ԵՐԵՎԱՆ, ՀՈՒԼԻՍԻ 7, Times․am: Հուլիսի 7-ին, ժամը 16։15-ի սահմաններում, Ադրբեջանի ԶՈՒ ստորաբաժանումները տարբեր, այդ թվում նաև խոշոր տրամաչափի հրաձգային զինատեսակներից կրակ են բացել հայ-ադրբեջանական սահմանի արևմտյան, մասնավորապես՝ Վայոց Ձորի մարզի Ելփին գյուղի հատվածում տեղակայված հայկական մարտական դիրքերի, ինչպես նաև դեպի գյուղ տանող ճանապարհի ուղղությամբ, ինչի հետևանքով վնասվել է քաղաքացիական ավտոմեքենա։ Այս մասին հաղորդում է ՊՆ-ն:
Հայկական կողմի պատասխան գործողություններով ադրբեջանական ստորաբաժանումների կրակը լռեցվել է։ Հայկական կողմից տուժածներ չկան։
Հետևեք մեզ նաև Telegram-ում