Ադրբեջանում մեկնարկել է նախընտրական քարոզարշավը
16/09/2013 12:52
Նմանատիպ
Այսօր Ադրբեջանում մեկնարկում է նախագահական ընտրություններում իրենց թեկնածությունը դրած անձանց քարոզարշավը: Ինչպես տեղեկացնում է ԱՊԱ գործակալությունը, քարոզարշավն ավարտվելու է հոկտեմբերի 8-ին ժամը 8-ին:
Քարոզարշավի ընթացքում Բաքվում հատուկ տեղեր կհատկացվեն ընտրողների հետ հանդիպումների համար: Յուրաքանչյուր թեկնածուին կտրամադրվի շաբաթական 6 ժամ եթերային ժամանակ, որից 3 ժամը վճարովի, իսկ մյուս 3-ը’ անվճար:
Այսօր տեղի կունենա թեկնածուների եթերային ժամանակի բաշխման վիճակահանություն:
Համաձայն Ադրբեջանի Կենտրոնական ընտրական հանձնաժողովի տվյալների, հաստատվել է 10 հավակնորդների թեկնածությունը:
