«Մի կաթիլ մեղրի» ադրբեջանական տարբերակը
Նմանատիպ
Ադրբեջանի Շաբրանի շրջանի հարյուրավոր բնակիչներ այսօր հավաքվել են գործադիր իշխանության շենքի մոտ, որպեսզի ստանան մահմեդական Կուրբան բայրամ (Զոհաբերության տոն) տոնի կապակցությամբ իրենց հասանելիք մի կտոր միսը: Սակայն, բոլորը տուն են վերադարձել ձեռնունայն:
«Երբ մենք մոտեցանք գործադիր իշխանության շենքին, շրջանի ղեկավարի տեղակալ Իսրաֆիլ մուալիմը հայտարարեց, որ տոնական միսը բաժանել են երեկ: Նա արհամարհեց մեր զայրույթը», – հայտնել են տեղաբնակները: Նրանք նաեւ հայտարարել են, որ մսի տոնական կտորը երեկ ստացել են քաղաքապետարանի ընդամենը մի քանի աշխատակիցներ:
«Գործադիր իշխանությունը ցուցադրական շոու է սարքել: Բաքվից լրագրողներ է հրավիրել, քաղաքապետարանի մոտ մանղալներ դրել եւ սկսել խորոված պատրաստել: Բայց ամբողջ խորովածը կերել են իրենք’ քաղաքապետարանի աշխատակիցները», -բողոքել են Շաբրանի բնակիչները:
Հետևեք մեզ նաև Telegram-ում