Մայիսի 29-ին Աստանայում կքննարկվի Եվրասիական տնտեսական միությանը Հայաստանի միանալու հարցը
Նմանատիպ
Մայիսի 29-ին Աստանայում կկայանա Եվրասիական բարձրագույն տնտեսական խորհրդի հերթական նիստը, որի ժամանակ Ռուսաստանի, Բելառուսի և Ղազախստանի առաջնորդները պատրաստվում են ստորագրել Եվրասիական տնտեսական միության մասին պայմանագիրը, որն ուժի մեջ կմտնի 2015 թվականի հունվարի 1-ին: Այս մասին տեղեկացնում է Կրեմլի մամուլի ծառայությունը:
Պաշտոնական հաղորդագրության մեջ ասվում է, որ նշված երեք պետությունները պարտավորություն են ստանձնում երաշխավորել կամ ապահովել ապրանքների, ծառայությունների, կապիտալների և աշխատուժի ազատ տեղաշարժը:Նրանցից պահանջվում է իրականացնել համաձայնեցված քաղաքականություն տնտեսության գլխավոր ճյուղերում՝ էներգետիկա, արդյունաբերություն, գյուղատնտեսություն և այլն:
Աստանայում նախատեսվում է նաև Մաքսային միության և Միասնական տնտեսական տարածքի հետ կապված պրակտիկ հարցերի քննարկում, մասնավորապես`կողմերը կքննարկեն եվրասիական տնտեսական ինտեգրման անդամների կազմի հետագա ընդլայնման հարցերը, այդ թվում՝ Հայաստանի միացումը Եվրասիական տնտեսական միության մասին պայմանագրին։
Հետևեք մեզ նաև Telegram-ում