ԵՏՄ-ին Հայաստանի անդամակցման գործընթացը մինչև հուլիսի 1-ը կավարտվի. Տատյանա Վալովայան
Նմանատիպ
Հայաստանի՝ Եվրասիական տնտեսական միության ստեղծման մասին պայմանագրին միացման գործընթացը մինչև հուլիսի 1-ը կավարտվի: ԲԵԼՏԱ գործակալության հաղորդմամբ՝ Մոսկվայում հրավիրված ասուլիսին նման հայտարարություն է արել Եվրասիական տնտեսական հանձնաժողովի ինտեգրացիոն հիմնական ուղղությունների ու մակրոէկոնոմիկայի հարցերով նախարար Տատյանա Վալովայան:
«Հայաստանում ստեղծված է շուկայական լավ համակարգ, կառույց, իսկ հայկական տնտեսությունը Մաքսային միության երկրների տնտեսությունների հետ փոխլրացվող է», – նկատել է նա:
Անդրադառնալով Ղրղզստանի անդամակցման հեռանկարներին, Վալովայան շեշտել է, թե այս երկրի դեպքում լուծվելիք խնդիրների շրջանակն առավել լայն է:
«Ղրղըզստանն ունի Մաքսային միության հետ ընդհանուր սահման, ուստի շատ կարևոր է, որ այն չդառնա ռիսկային գոտի անօրինական ապրանքների ՄՄ ներմուծման համար»,-ընդգծել է նախարարը:
Ի դեպ, Վալովայան ԵՏՄ-ին միավորվման թեկնածու է դիտարկել նաև Տաջիկստանին:
Հետևեք մեզ նաև Telegram-ում
