Ղրղզստանը մինչև տարեվերջ կդառնա Մաքսային միության անդամ.Օտորբաև
Նմանատիպ
Ղրղզստանը ծրագրում է Մաքսային միության լիիրավ անդամ դառնալ մինչև ընթացիկ տարվա վերջ: Այս մասին ԻՏԱՌ-ՏԱՍՍ-ին տված հարցազրույցի ժամանակ հայտարարել է հանրապետության վարչապետ Ջոոմարտ Օտորբաևը:
«Մենք կձգտենք «ճանապարհային քարտեզի» շրջանակներում մեր բոլոր պարտավորությունների կատարմանը»,- ասել է նա:
Ղրղզստանի կառավարության ղեկավարը նաև նշել է, որ ի տարբերություն իր մի շարք ընդդիմախոսների, ինքը հավանություն է տալիս հանրապետության անդամակցմանը Բելառուսի, Ղազախստանի և Ռուսաստանի տնտեսական միավորմանը:
«Այս քայլի ամենագլխավոր առավելությունը ես տեսնում եմ երկրի ներդրումային կլիմայի սկզբունքային բարելավման մեջ: Փոխարենը Ղրղզստանում սպասարկելու ոչ մեծ քանակությամբ բնակչության`5 միլիոն մարդու, այն էլ բավականաչափ ցածր գնողունակությամբ, մեր տարածքում բացված ձեռնարկությունները կարող են սպասարկել բարձր գնողունակությամբ 170 միլիոն մարդու Մաքսային միության բոլոր երկրներում»,-շարունակել է նա:
Մաքսային միությանը հանրապետության անդամակցման հետ կապված հիմնական բացասական կողմը վարչապետը համարել է արտադրանքի որոշ տեսակների գների հնարավոր աճը:
Հետևեք մեզ նաև Telegram-ում