Պուտինն ու Պորոշենկոն հեռախոսազրույց են ունեցել
Նմանատիպ
Ռուսաստանի նախագահ Վլադիմիր Պուտինը հեռախոսազրույց է ունեցել Ուկրաինայի իր պաշտոնակից Պյոտր Պորոշենկոյի հետ:
«Պետությունների ղեկավարները քննարկել են ռուս-ուկրաինական հարաբերություննեերի հրատապ հարցերը, արծարծվել է Ուկրաինայի արեւելքի մարտական գործողությունների շրջանում հնարավոր հրադադարի թեման»,- ասված է Կրեմլի հաղորդագրության մեջ:
Բացի այդ, Ռուսաստանի նախագահը անհանգստություն է հայտնել Լուգանսկի մարզում ռուս լրագրողների զոհվելու կապակցությամբ եւ ընդգծել է հակամարտության գոտում ԶԼՄ-ների ներկայացուցիչների պաշտպանության անհրաժեշտությունը, նշվում է ՌԴ նախագահի մամուլի ծառայության հաղորդագրության մեջ:
Պորոշենկոն իր հերթին Պուտինին հավաստիացրել է, որ Ուկրաինան ռուս լրագրողների զոհվելու հանգամանքների հետաքննություն կանցկացնի:
Ռուսաստանի պետական հեռուստառադիոընկերության լրագրող Իգոր Կորնելյուկը եւ հնչյունային ռեժիսոր Անտոն Վոլոշինը հունիսի 17-ին հրետակոծման ընթացքում զոհվել են Լուգանսկի մերձակայքում:
Հետևեք մեզ նաև Telegram-ում