ԵԽԽՎ նախագահը մեկնելու է Բաքու՝ հանդիպելու քաղբանտարկյալներին

Եվրոպայի խորհրդի խորհրդարանական վերհաժողովի նախագահ Անն Բրասյորը կրկին կայցելի Ադրբեջան: Ինչպես տեղեկացնում է Haqqin.az կայքը, այս մասին Բրասյորը գրառում է կատարել Twitter-ի իր միկրոբլոգում: Բաքու վերադառնալու գլխավոր պատճառը երկրում ճաղերի հետևում հայտնված քաղբանտարկյալներն են:

«Ես կվերադառնամ Ադրբեջան որոշ քաղբանտարկյալների այցելելու նպատակով»,- իր միկրոբլոգում գրել է Բրասյորը: Նա նշել է, որ անհնարին է խնդիրները կարգավորել դրանք անտեսելու միջոցով: ԵԽԽՎ նախագահը համոզմունք է հայտնել, որ իրենք պետք է շարունակեն բաց և անկեղծ երկխոսությունը այն հարցերի շուրջ, որտեղ անհրաժեշտ են բարեփոխումներ: