Միշել Օբաման ճանաչվել է ԱՄՆ ամենաոճային կինը
Նմանատիպ
Նորաձեւության աշխարհում հայտնի Harper’s Bazaar ամսագիրը ներկայացրել է ԱՄՆ տասն ամենաոճային կանանց ցուցակը: Տասնյակում հայտնվել են հոլիվուդյան դերսանուհիներ, երգիչներ եւ մոդելներ:
Տասնյակի առաջին հորիզոնականում ԱՄՆ առաջին տիկին Միշել Օբաման է: Նորաձեւության քննադատներն ու ամսագիրը կարծում են, որ Օբաման ոչ միայն խիստ նորաձեւ է, այլեւ նախապատվությունը տալիս է հասանելի եւ մատչելի գներով հագուստների, որոնք կարող են կրել նաեւ հասարակ ամերիկուհիները:
Ըստ ամսագրի, հասարակ հագուստները շատ են սազում առաջին տիկնոջն ու ավելի ընդգծում նրա փայլը: Տասնյակի երկրորդ հորիզոնականում Օլսեն քույրերն են, որոնք, ըստ ամսագրի, բոհեմյան ոճի լավագույն կերպարներն են ընտրում եւ կարողանում են գնահատել վինտաժային հագուստները:
Տասնյակում ներառված են նաեւ Դենի Հեմինգուեյը, Էմմա Սթոունը, Սարա-Ջեսիքա Փարքերը, Գվինեթ Փելթրոուն: Տասնյակի վերջին հորիզոնականում հայտնվել է փոփ-թագուհի Մադոննան: Երգչուհին կարողանում է զանգվածային միջոցառումների ժամանակ բոլորին զարմացնել իր հագուկապով եւ ոճով:
Հետևեք մեզ նաև Telegram-ում