Եվրահանձնաժողովի նոր նախագահը Լոնդոնին հատուկ պայմաններ կտրամադրի
Նմանատիպ
Մեծ Բրիտանիան կկարողանա ազգային խորհրդարանին վերադարձնել այն լիազորությունների մի մասը, որոնք ավելի վաղ պատվիրակվել Էին եվրամիության բարձրագույն մարմիններին: Այդ մասին, ինչպես տեղեկացնում Է «Արմենպրես»-ը, հղում անելով լոնդոնյան Daily Telegraph-ին, հայտարարել Է Եվրահանձնաժողովի ղեկավարի պաշտոնի թեկնածու Ժան Կլոդ Յունկերը: Թերթի տվյալներով՝ Եվրախորհրդարանի մի խումբ պատգամավորների հետ կայացած գաղտնի կոնսուլտացիաների ընթացքում Յունկերը հայտարարել Է «Լոնդոնին իրավասությունների մի մասը վերադարձնելու շուրջ Մեծ Բրիտանիայի հետ բանակցություններ սկսելու» պատրաստակամության մասին: «Մեծ Բրիտանիան չափազանց կարեւոր Է ԵՄ-ի համար, ես չեմ ցանկանում, որ Լոնդոնը դուրս գա Եվրամիությունից»,-ընդգծել Է նա:
Եվրամիության՝ անցած ամսին կայացած գագաթնաժողովին Լյուքսեմբուրգի նախկին վարչապետ Ժան Կլոդ Յունկերը ձայների մեծամասնությամբ ընտրվել Է Եվրահանձնաժողովի նախագահի պաշտոնի թեկնածու: Դեմ են քվեարկել Մեծ Բրիտանիան եւ Հունգարիան: Առաջիկա օրերին Եվրախորհրդարանը պետք Է հաստատի Յունկերին՝ որպես Եվրահանձնաժողովի ներկայիս ղեկավար Ժոզե Մանուել Բառոզուին փոխարինողի:
Յունկերի թեկնածության նկատմամբ Լոնդոնի բացասական դիրքորոշումը բացատրվում Է Մեծ Բրիտանիայի ներկայիս վարչապետ Դեւիդ Քեմերոնի մտահոգությամբ, որը ի դեմս Լյուքսեմբուրգի նախկին վարչապետի տեսնում Է ֆեդերալիստի եւ ԵՄ-ի հետագա ինտեգրացման կողմնակցի: Մինչդեռ Յունկերը հասկանալ Է տվել, որ պատրաստ Է համաձայնել Եվրամիության ներսում Մեծ Բրիտանիայի համար հատուկ պայմանների ստեղծմանը, որպեսզի նրան պահեն ԵՄ-ում: «Ես երբեք չեմ եղել այն գաղափարի հակառակորդը, որ լիազորությունների միմասը Բրյուսելից վերադարձվի ազգային խորհրդարաններին՝ պայմանով, ո ր դա կլինի կառավարելի եւ մանրակրկիտ քննարկված գործընթաց,-ընդգծել Է Յունկերը:-Ես չեմ ուզում Եվրամիությունը տեսնել առանց Մեծ Բրիտանիայի: Լոնդոնը Եվրոպայում որոշումների ընդունման հանգուցային տարրն Է, քանի որ բրիտանացիներն օժտված են ողջամտությամբ»,-հաղորդել Է ԻՏԱՌ-ՏԱՍՍ-ը:
Հետևեք մեզ նաև Telegram-ում