ԱՄՆ վիզաների թողարկման հետ կապված կուտակումներն արդեն մեծապես կարգավորված են
Նմանատիպ
ԱՄՆ դեսպանատունը տեղեկացնում է, որ տեխնիկական խնդիրների պատճառով մուտքի արտոնագրերի թողարկման հետ կապված կուտակումներն արդեն մեծապես կարգավորված են: «Աշխատանքներ են տարվում համակարգի լիարժեք գործունեության վերականգնման ուղղությամբ»,- «Արմենպրես»-ի հաղորդմամբ’ նշվում է պետքարտուղարության տարածած հաղորդագրությունում:
Շարունակվում է առաջնայնություն տալ ներգաղթային արտոնագրերին, որդեգրման գործերին և անհետաձգելի ուղևորությունների համար պահանջվող ոչ ներգաղթային արտոնագրերին: Այս գործերով ու մնացած բոլոր գործերով արտոնագրերը տպագրվում են, ուշացումներ հազվադեպ են լինում:
Հուլիսի 31-ից ԱՄՆ-ը դադարեցրել էր վիզաների տրամադրումը ողջ աշխարհում՝ ԱՄՆ պետքարտուղարության հյուպատոսական հարցերով բյուրոյի անձնագրային և վիզաների համակարգի տեխնիկական խնդիրների պատճառով: Խնդիրը գլոբալ էր և հատուկ չէր որևէ երկրի կամ մուտքի արտոնագրի տեսակի:
Ավելի վաղ դեսպանատնից նշել էին, որ հիմնվելով ոլորտի մասնագետների առաջարկների վրա՝ հուլիսի 20-ին համակարգի աշխատանքի որակի բարելավման և նախկինում առաջացած կարճաժամկետ բնույթի խնդիրները շտկելու նպատակով թարմացվել է ծրագրային ապահովումը, որից հետո տվյալների բազայի աշխատանքի հետ կապված ֆունկցիոնալ խնդիրներ են առաջացել: «Պետքարտուղարությունն աշխատում է Օրակլի և Մայքրոսոֆթի հետ համակարգի փոփոխության միջոցով ֆունկցիոնալ օպտիմալացում իրականացնելու և առաջացած խնդիրները շտկելու ուղղությամբ»,- ասաել էին դեսպանատնից:
Հետևեք մեզ նաև Telegram-ում