Դիվանագիտական սկանդալ Ավստրիայի և Ադրբեջանի միջև
Նմանատիպ
Ավստրիացի լրագրող Յուտտե Բաուերին, ով հարավկովկասյան երկրներ այցի շրջանակներում ուղեկցում էր Ավսրիայի արտաքին գործերի նախարար Սեբաստիան Կուրցին, չեն տրամադրել Ադրբեջան այցելելու վիզա:
Ինչպես տեղեկացնում է «Der Standart»-ը, լրագրողուհուն տրամադրել են միայն Հայաստան և Վրաստան այցելելու վիզա, Ադրբեջանի դեսպանությունը մերժել է:
Իր գործողությունները ադրբեջանական կողմը բացատրում է նրանով, որ Բաուերին եղել է Ադրբեջանի սև ցուցակի մեջ, քանի որ այցելել է Լեռանային Ղարաբաղի Հանարապետություն:
Հրատարակչությունը տեղեկացնում է, որ շատ լրագրողներ են այդ ցուցակից դուրս գալիս, երբ պաշտոնապես ներողություն են խնդրում: Բաուերը վիզա չտարամադրելը պայմանվորում է նաև այն հանգամանքով, որ վերջինս իր հոդվածներում քննադատել է ադրբեջանական իշխանություններին:
«Austrian Press Agency», տվյալներով, լրագրողուհու խնդիրը չհաջողվեց լուծել նույնիսկ Ավստրիայի պետքարտուղարի միջամտությունից հետո:
«Լրագրողին վիզա տրամադրելը ամբողջովին կախված է ադրբեջանական կողմի ցանկությունից», -նշվում է Ավստրիայի ԱԳՆ-ի պաշտոնական հայտարարրության մեջ:
Միևնույն ժամանակ նշվում է, որ Կուրցը այդ հարցը կբարձրացնի Ադրբեջան կատարելիք այցի շրջանակներում՝ խոսելով Ադրբեջանում խոսքի ազատության սահմանափակման մասին:
Սամա Յուտտան չի թաքցնում այն փատը, որ 2011թ-ին այցելել է Հայաստան և այնտեղից էլ գնացել է Արցախ, որի մասին մի քանի հոդվածներ է պատրաստել, սակայն Ադրբեջանի վիզա չստանալուց հետո է տեղեկացել, Ադրբեջանում պերսոնա նոն-գրատա է ճանաչվել:
Հետևեք մեզ նաև Telegram-ում