Լովչև. Մովսիսյանն ինձ հիշեցրեց Վելլիտոնին
Նմանատիպ
Յուրա Մովսիսյանի` «Սպարտակի» կազմում փայլուն մեկնարկի վերաբերյալ իր կարծիքն է արտահայտել նաև հայտնի ռուս ֆուտբոլային փորձագետ Եվգենիյ Լովչևը:
«Մովսիսյանն ինձ հիշեցրեց նախկին Վելլիտոնին: «Սպարտակն» այդ ժամանակ երկար խաղարկում էր գնդակը խաղադաշտի կենտրոնում, իսկ հետո կտրուկ փոխանցում էր կատարում առջևի գիծ, և բրազիլացին առաջ էր մղվում: Այստեղ Մովսիսյանը ևս մղվում է առաջ, սակայն դրությունը մի փոքր այլ է. սա ինձ հիշեցնում էր Գավրիլովի պատմությանը «Սպարտակում»` Բեսկովի օրոք:
Կոնստանտին Իվանովիչն ասում էր Յուրային` երբ գրոհում է մրցակիցդ, գտիր այն հատվածը, որտեղ դու կարող ես գնդակ ստանալ և գրոհ սկսել: Եվ հիմա Մովսիսյանն այդպես էլ վարվում է, պաշտպանները դարպասապահի հետ արագ հասկացան դա: Հայ ֆուտբոլիստն առաջ է ընթանում առաջին իսկ հնարավորություն դեպքում. ողջ ընթացքում կենտրոնացած է դարպասին:
Եվ ամեն դեպքում Մովսիսյանը տարբերվում է բրազիլացուց. տեսեք` չէ՞ որ նա գոլերը խփեց տարբեր դիրքերից` հեռավոր հարված, տուգանային և կտրուկ անցումից հետո»,-փորձագետի խոսքերը մեջբերել է Советский спорт-ը:
Հետևեք մեզ նաև Telegram-ում
