Ստրամաչոնի. Ես երբեք չեմ հանձնվում

Միլանի «Ինտերը» վերջին շրջանում անհաջող ելույթներ է ունենում, ինչն առիթ է հանդիսացել իտալական լրատվամիջոցների համար կասկածի տակ դնելու թիմի գլխավոր մարզիչ Անդրեա Ստրամաչոնիի հետագա գործունեությունը: Այդ լուրերի վերաբերյալ Ստրամաչոնին ասել է.

«Կարծում եմ` իմ աշխատանքը կգնահատեն ոչ թե հիմա, այլ մրցաշրջանի ավարտին: Ես միշտ էլ ակումբի նախագահի կողմից աջակցություն եմ զգացել: Իմ ապագան կորոշվի մրցաշրջանի արդյունքներով և ոչ թե մի քանի խաղով: Ես երբեք չեմ հանձնվում և լիովին կենտրոնացած եմ աշխատանքիս վրա»: