Գատուզոն կվերադառնա Միլան

Ջենարո Գատուզոն «Սիոնայի» կազմում կմասնակցի  «Միլանի» դեմ ընկերական հանդիպմանը:

«Սիոնայի» պաշտոնական կայքը տեղեկացնում է, որ ստուգողական հանդիպում են անցկացնելու իտալական ակումբի հետ` առաջիկա ուրաբթ օրը: Թիմերը որոշել են խաղային պրակտիկա կազմակերպել այն ֆուտբոլիստների համար, ովքեր չեն հրավիրվել ազգային հավաքականներ` աշխարհի 2014 թվականի առաջնության նախընտրական փուլի խաղերին մասնակցելու:

Խաղը տեղի կունենա Միլանում, ինչը նշանակում է, որ Ջենարո Գատուզոն կվերադառնա  մի քաղաք, որտեղ երկար տարիներ հանդես է եկել: Հիշեցնենք, որ 35-ամյա ֆուտբոլիստը լքեց «Միլանը» 2012 թվականին: