Մոուրինյո. «Գալաթասարայը» շատ ուժեղ է, իսկ Դրոգբան արդեն այն չէ

Մադրիդի «Ռեալի» գլխավոր մարզիչ Ժոզե Մոուրինյոն թուրքական ԶԼՄ-ների հետ զրույցում խոսել է «Գալաթասարայի» մասին:

Հիշեցնենք, որ թուրքական ակումբը Չեմպիոնների լիգայի 1/4 եզրափակչում լինելու է մադրիդյան ակումբի մրցակիցը: Օրերս պորտուգալացի մասնագետը ներկա է գտնվել Թուրքիայի առաջնության «Գալաթասարայ» – «Կայսերիսպոր» հանդիպմանը: Այդ խաղում 3-1 հաշվով հաղթել է Ֆաթիհ Թերիմի թիմը. դուբլի հեղինակ է դարձել Բուրակ Յիլմազը, մեկ անգամ էլ աչքի է ընկել Ուեսլի Սնեյդերը:

-«Գալաթասարայը» մեզ համար դժվարին մրցակից է լինելու: Այն շատ ուժեղ թիմ է ու հանդես գալիս շատ բարձր մակարդակի վրա: Սնեյդերը իր լավագույն մարզավիճակում է, իսկ Դրոգբան արդեն այն չէ, ինչ առաջ էր,- ասել է պորտուգալացի մասնագետը: