Հավակնորդների մրցաշար. Կարլսենը հավասարվեց Արոնյանին

Ավարտվեց Լոնդոնում ընթացող շախմատի աշխարհի չեմպիոնի կոչման համար հավակնորդների մրցաշարի 4-րդ տուրը: Արդեն տեղեկացրել ենք, որ Լևոն Արոնյանը ոչ-ոքի է խաղացել Պյոտր Սվիդլերի հետ: Մյուս պարտիաներում գրանցվել են հետևյալ արդյունքները.

Ռադջաբով-Կրամնիկ, Գելֆանդ-Իվանչուկ զույգերը վաստակել են կեսական միավոր, իսկ Կարլսեն-Գրիշչուկ պարտիայում 37-րդ քայլում առավելության է հասել նորվեգացի շախնմատիստը:

Այս հաղթանակի շնորհիվ Մագնուս Կարլսենն այժմ ունի 3 միավոր և Լևոն Արոնյանի հետ կիսում է 1-2 տեղերը: Նրանց հաջորդում են.

Սվիդլեր- 2,5
Կրամնիկ – 2
Ռադջաբով – 2
Գրիշչուկ- 1,5
Գելֆանդ – 1
Իվանչուկ – 1

Հավելենք` 5-րդ տուրում հայ գրոսմայստերի մրցակիցը կլինի Կրամնիկը: