Մոուրինյոն շատ է ցանկանում Յայա Տուրեին տեսնել «Ռեալում»

Օրերս «Մանչեսթեր Սիթիի» կիսապաշտպան Յայա Տուրեի գործակալը նշել էր, որ եթե ակումբը առաջիկայում նոր պայմանագիր չառաջարկի իր հաճախորդին, ապա ամռանը կոտդիվուարցին ազատ գործակալի կարգավիճակով կհեռանա այլ ակումբ:

Այժմ որպես ֆուտբոլիստի գնման գլխավոր թեկնածուների’ նշվում են «Չելսիի», «Մանչեսթեր Յունայթեդի» ու Մադրիդի «Ռեալի» անունները:

Հետաքրքրական է, որ անգլիական ԶԼՄ-ները պնդում են’ Ժոզե Մոուրինյոն անձամբ ցանկանում է պայմանագիր ստորագրել Տուրեի հետ: Պորտուգալացին նրա տաղանդի մոլի երկրպագուն է ու արդեն մի քանի անգամ փորձել է Յայային բերել իր գլխավորած թիմեր: