«Բարսելոնայի» նշանառության տակ երեք գերմանացիներ են

«Բարսելոնան» ամառային տրանսֆերային պատուհանի ժամանակ իր հայացքը կուղղի Բունդեսլիգայի կողմը:

Կատալոնական ակումբի ղեկավարությունը, առաջին հերթին, մտադիր է ուժեղացնել դարպասապահի ու կենտրոնական պաշտպանի դիրքերը: Բացի դրանից, Լա Լիգայի ընթացիկ առաջնության առաջատարը դեմ չէր լինի ամրապնդել կիսապաշտպանական գիծը:

Ակումբի սպորտային տնօրեն Անդոնի Սուբիսարետան սկաուտների է ուղարկել Գերմանիա, որտեղ նրանք պետք է հետևեն Մյունխենգլադբախի «Բորուսիայի» դարպասապահ Մարկ-Անդրե տեր Շտեգենի, ինչպես նաև Դորտմունդի «Բորուսիայի» պաշտպան Մատս Հումմելսի ու կիսապաշտպան Իլկայ Գունդողանի ելույթներին: