Գործակալ. Շատ քիչ թիմեր կարող են վճարել Կավանիի հրաժարագնի գումարը

«Նապոլիի» հարձակվող Էդինսոն Կավանիի գործակալը վստահ է նրանում, որ ուրուգվայցին երջանիկ է Նեապոլում:

-Էդինսոնը շատ է սիրում ինչպես ակումբը, այնպես էլ քաղաքը: Շատ քիչ թվով ակումբներ կարող են վճարել այն հրաժարագինը, որը նշված է նրա պայմանագրում: Ավելին, առայժմ ոչ մի թիմ լուրջ առաջարկ չի կատարել Կավանիին գնելու համար:

Սակայն ամենակարևոր գործոնը, որ նրան ստիպում է մնալ նեապոլյան ակումբում, դա թիմի ներկայիս առաջընթացն ու ուժեղ ֆուտբոլիստների հետ պայմանագրեր ստորագրելն է: Էդինսոնը ամբիցիոզ խաղացող է ու ցանկանում է տիտղոսներ նվաճել,- ասել է գործակալը Radio Kiss Kiss-ի հետ զրույցում: