Մոուրինյո. Մինչև մրցաշրջանի ավարտն իմ բոլոր մտքերը կապված են «Մադրիդի» հետ
Նմանատիպ
«Ռեալի» գլխավոր մարզիչ Ժոզե Մոուրինյոն Լոնդոն այցի ժամանակ հարցազրույց է տվել Sky Sports-ին: Մոուրինյոն խոսել է «Չելսիի», իր պայմանագրի և Լոնդոն կատարած այցի պատճառների մասին:
«Ռեալի» մասին.
«Մինչև մրցաշրջանի ավարտն իմ բոլոր մտքերը կապված են «Մադրիդի» հետ: Մենք ոչ միայն պայմանագրով ենք կապված, այլ նաև նպատակներով ու ձգտումներով: Դա միակ բանն է, որ այսօր նշանակություն ունի: Իմ մասին բոլոր շշուկները հորինվածքներ են: Ես պրոֆեսիոնալ եմ ու հիմա աշխատում եմ «Ռեալում»: Ակումբի հետ մենք կոնկրետ նպատակներ ունենք Չեմպիոնների լիգայի և Իսպանիայի գավաթի հետ կապված»:
Լոնդոն կատարած այցի մասին.
«Չգիտեմ, թե ինչո՞ւ պետք է արդարանամ: Նրա համար, որ եկել եմ Լոնդո՞ն: Անկեղծ ասած. ինձ հոգնեցրել են այս թեմայով խոսկցությունները: Լոնդոնում կինս և ես տուն, ընկերներ ունենք: Մենք հաճախ ենք Լոնդոնում լինում և դա լրիվ նորմալ է: Չնայած եղանակին, ես սիրում եմ այս քաղաքը»:
Անգլիական ֆուտբոլ վերադառնալու մասին.
«Չելսիում» աշխատելու տարիներից անչափ ջերմ հիշողություններ ունեմ և կարծում եմ, որ անպայման վերադառնալու եմ անգլիական ֆուտբոլ: «Չելսի» կամ այլ ակումբ»:
«Չելսիի» մասին.
«Իհարկե «Չելսին» օտար չէ ինձ: Երբեք նրան չեմ կարող որպես հերթական ակումբի վերաբերվել: Ինչպես «Ինտերը»` «Չելսին» ևս հավերժ իմ սրտում կմնա»:
Ալեքս Ֆերգյուսոնի մասին.
«Մանչեսթեր Յունայթեդը» Սըր Ալեքս Ֆերգյուսոնի իրական թագավորությունն է: Ես մաղթում եմ, որ նա հնարավորինս երկար այնտեղ աշխատի»:
Ռաֆայել Բենիտեսի մասին
«Բոլորին, այդ թվում նաև Բենիտեսին միայն բարիք եմ մաղթում: Հույս ունեմ, որ մրցաշրջանի ավարտը հաջողված կլինի նրա համար»
Հետևեք մեզ նաև Telegram-ում