«Բավարիային» հարկավոր է «Յուվենտուսի» պաշտպանը

«Յուվենտուսի» պաշտպան Ստեֆան Լիխտշտայները հայտնվել է «Բավարիայի» նշանառության տակ:

Ինչպես հայտնում է Goal.com-ը, Բունդեսլիգայի առաջատարը վաղուց է հետևում «Ծեր Սինյորայի» ֆուտբոլիստի ելույթներին: Տեղեկացվում է, որ մյունխենցիները մոտ ժամանակներս բանակցություններ կսկսեն շվեյցարացու տրանսֆերի համար:

Լիխտշտայների ներկայիս համաձայնագիրը «Յուվենտուսի» հետ ավարտվում է 2015 թվականին, սակայն Շտեֆանը արդեն հիմա մտածում է նոր աշխատատեղի մասին: Խաղացողի գնման գլխավոր թեկնածուները համարվում են «ՊՍԺ»-ն ու «Բավարիան», իսկ նրա տրանսֆերային արժեքը գնահատվում է 5 մլն. եվրո:

Իտալիայի ընթացիկ առաջնությունում շվեյցարացին թուրինյան ակումբի կազմում մասնակցել է 22 հանդիպման’ դառնալով 4 գոլի ու մեկ արդյունավետ փոխանցման հեղինակ: