Լևոն Արոնյանն ավարտեց ելույթները` ադրբեջանցի Ռաջաբովի նկատմամբ տոնած հաղթանակով

Լոնդոնում աշխարհի չեմպիոնի կոչման հավակնորդների մրցաշարում իր ելույթներն ավարտեց Լևոն Արոնյանը: Վերջին` 14-րդ տուրում հայ շախմատիստը սպիտակ խաղաքարերով վստահ հաղթանակ տարավ ադրբեջանցի Թեյմուր Ռաջաբովի նկատմամբ. պարտիան ավարտվեց 35-րդ քայլում:

Հիշեցնենք, որ մրցաշարի շրջանակներում այս շախմատիստների միջև տեղի ունեցած առաջին պարտիայում ևս առավելության էր հասել Արոնյանը:

Հավելենք` Լևոն Արոնյանը հավակնորդների մրցաշարում վաստակեց ընդհանուր 8 միավոր և զբաղեցրեց երրորդ հորիզոնականը: