Բեքհեմ. «ՊՍԺ»-ի ուժերի սահմաններում է հաղթել «Բարսելոնային»

«ՊՍԺ»-ի 37-ամյա անգլիացի կիսապաշտպան Դևիդ Բեքհեմը վստահ է, որ իր թիմը հնարավորություններ պահպանում է Չեմպիոնների լիգայի կիսաեզրափակիչ փուլ դուրս գալու համար’ չնայած 1/4 եզրափակչի առաջին խաղում «Բարսելոնայի» հետ արդյունավետ ոչ-ոքիին’ 2-2:

-Մենք բավարար վարպետություն ունենք: Առաջին խաղում ապացուցեցինք, որ թիմային հիանալի ոգի ունենք: «Բարսելոնան» շատ դժվարին մրցակից է, նրանք վերահսկում են գնդակը ամբողջ 90 րոպեների ընթացքում: Դժվար է լինելու, բայց մեր ուժերի սահմաններում է հաղթել կատալոնական ակումբին,- ասել է Բեքհեմը: