Ռոնալդու. Այս խաղը ապագայում մեզ համար օրինակ կլինի

Մադրիդի «Ռեալի» առաջատարը Ստամբուլում կրած պարտությունից հետո ասել է, որ իր թիմը մեղավոր էր նման հաշվի համար:

-Մենք շատ ուրախ ենք, որ այս դժվարին խաղից հետո առաջ ենք շարժվում: Այս հանդիպումն ապագայում մեզ համար օրինակ կլինի: Ֆուտբոլում չի կարելի բաց թողնել պահը պահի ետևից: Մրցակիցը շատ դժվարացրեց մեր գործը, սակայն իրականում մենք էինք դրանում մեղավոր:

Ինձ լավ եմ զգում. այսօր վատ չխաղացի: Եվ ես, և թիմակիցներս մոտիվացված ենք: Տեսնենք` ով կլինի կիսաեզրափակչում մեր մրցակիցը,-պորտուգալացու խոսքերը մեջբերել է ՈւԵՖԱ-ի պաշտոնական կայքը: