«Գալաթասարայի» դարպասապահը Վալդեսին փոխարինո՞ղ

«Բարսելոնայի» ներկայիս դարպասապահ Վիկտոր Վալդեսն առաջիկա տրանսֆերային պատուհանի ժամանակ, ամենայն հավանականությամբ, կտեղափոխվի այլ ակումբ:

Կատալոնական ակումբի ղեկավարությունն արդեն զբաղված է նոր դարպասապահի փնտրտուքով: Եթե ավելի վաղ նշում էին Դավիդ դե Խեայի, Պեպե Ռեյնայի և Սամիր Հանդանովիչի անունները, ապա այսօր Football Espana-ի տեղեկություններով` հավանական փոխարինողների շարքին միացել է նաև «Գալաթասարայի» դարպասապահ Ֆերնանդո Մուսլերան:

Նշենք, որ վերջինս տեղափոխվել է թուրքական ակումբ 2011 թվականին` «Լացիոյից»` 6.75 մլն եվրոյի դիմաց: