Վացկե. «Բորուսսիան» դեռ չի վճռել Չեմպիոնների լիգայի եզրափակիչ դուրս գալու հարցը
30/04/2013 13:45
Նմանատիպ
Դորտմունդի «Բորուսսիայի» սպորտային տնօրեն Հանս-Յոահիմ Վացկեն նշել է, որ թիմը դեռևս չի վճռել Չեմպիոնների լիգայի եզրափակիչ դուրս գալու հարցը, հաղորդում են գերմանական ԶԼՄ-ները:
Կիսաեզրափակչի’ Մադրիդի «Ռեալի» հետ առաջին խաղում Յուրգեն Կլոպի թիմը հաղթել է 4-1 հաշվով, իսկ պատասխան հանդիպումը Իսպանիայի մայրաքաղաքում կկայանա այսօր:
-Ես գիտեմ, որ առաջին խաղում մենք ամուր պաշար ենք ստեղծել, սակայն եզրափակիչ դուրս գալու հարցը դեռ վճռված չէ: Իր հարկի տակ «Ռեալը» շատ ուժեղ է: Այդ պատճառով ես այժմ մի փոքր լարված եմ: Բնականաբար, մենք շատ ենք ցանկանում դառնալ եզրափակչի մասնակիցներից մեկը,- ասել է Վացկեն:
Հետևեք մեզ նաև Telegram-ում