Գվարդիոլան կարծում է` «Բարսելոնայի» ու «Բավարիայի» մրցավեճում ամեն ինչ հնարավոր է

«Բարսելոնայի» նախկին գլխավոր մարզիչ Պեպ Գվարդիոլան իր մտքերով է կիսվել’ կապված Չեմպիոնների լիգայի կիսաեզրափակչում կատալոնացիների ու «Բավարիայի» պատասխան հանդիպման հետ, հաղորդում է իսպանական մամուլը:

Առաջին խաղում Յուպ Հայնկեսի թիմը վստահ հաղթանակ է տոնել’ 4-0:

-Միմյանց հետ կհանդիպեն երկու մեծագույն ակումբներ: Ու այս դիմակայությունում ամեն ինչ հնարավոր է: Սրանք թիմեր են, որոնք գերիշխում են իրենց առաջնություններում: Ու նրան, ինչին նրանք հասել են, լրիվ արժանի են: Անհամբերությամբ սպասում եմ խաղին,- ասել է Գվարդիոլան:

Հիշեցնենք’ կատալան մասնագետը հաջորդ մրցաշրջանից գլխավորելու է հենց բավարական ակումբը;