«Ռեալը» սկսել է բանակցությունները Անչելոտիի հետ

Մադրիդի «Ռեալի» ղեկավարությունը շարունակում զբաղվել այն հարցով, թե հաջորդ մրցաշրջանում ով է գլխավորելու թիմը, հաղորդում է իսպանական մամուլը:

«Արքայական» ակումբը այդ պաշտոնում մի շարք մասնագետների է դիտարկում, ու նրանցից գլխավոր թեկնածուն «ՊՍԺ»-ն գլխավորող Կառլո Անչելոտին է: Ավելին, ղեկավարությունն արդեն այս ուղղությամբ սկսել է քայլեր ձեռնարկել: Նրանք սկսել են բանակցությունները իտալացի մասնագետի հետ ու պատրաստվում են պայմանագիր առաջարկել այն դեպքում, եթե Ժոզե Մոուրինյոն որոշի հեռանալ Մադրիդից:

Հիշեցնենք’ պորտուգալացի մասնագետը արդեն ակնարկել է, որ ցանկանում է սկսել աշխատել նոր ակումբում: Ինչ վերաբերում է Անչելոտիին, ապա նա ֆրանսիական ակումբի հետ ևս մեկ տարվա պայմանագիր ունի: