Ուեյն Ռունիի տեղափոխությունը «Ման. Յունայթեդ» և անձնական կյանքը

Հրապարակման առաջին մասին կարող եք ծանոթանալ այստեղ:

Մինչև պայմանագրի ստորագրումը Ռունին շաբաթական 80 ֆունտ է ստացել: Նա ապրել է երքեսենյականոց բնակարանում`ծնողների և երկու կրտսեր եղբայրների հետ: Հետագայում նրա աշխատավարձը բարձրանում է մինչև 130 000 ֆունտ: 2004թ-ի  Եվրոպայի առաջնությունից հետո «Էվերթոնը» հայտարարում է, որ Ռունիին կվաճառեն 50 մլն. ֆունտից ոչ պակաս գնով: Ակումբն առաջարկեց ֆուտբոլիստին երկարաձգել պայմանագիրը և բարձրացնել աշխատավարձը, սակայն Ռունիի գործակալը մերժեց առաջարկը:

Ուեյն Ռունիի համար պայքար սկսեցին «Մանչեսթեր Յունայթեդը», «Նյուքասլը»: 2004թ. օգոստոսի 31-ին Ուեյն Ռունին պաշտոնապես տեղափոխվում է «Մանչեսթեր Յունայթեդ»: Գործարքը արժենում է 31 մլն. ֆունտ` չհաշված ֆուտբոլիստի աշխատավարձը: Մինչև այսօր «Էվերթոնի» երկրպագուները չեն կարողանում ներել Ռունիին ակումբից հեռանալու համար, և ամեն անգամ տեղական հանդիպումների ժամանակ սուլում են:

Ռունին «Մանչեսթեր Յունայթեդի» կազմում հանդես է եկել 2004 թ-ի սեպտեմբերի 28-ին թուրքական «Ֆեներբախչեի» հետ խաղում, որի ժամանակ դարձել է հեթ-տրիկի հեղինակ: Այդ օրվանից Ռունին հարձակվողական դիրքում է խաղում:

2003թ. փետրվարի  2-ին Ավստրալիայի հետ խաղում 17-ամյա Ռունին դառնում է Անգլիայի ազգային հավաքականի ամենաերիտասարդ խաղացողը: Նույն տարում սեպտեմբերի 6-ին նա խփում է հավաքականի ամենաերիատասարդ գոլը: Եվրոպայի առաջնության ժամանակ Ռունին փայլում է` երկու գոլով օգնելով թիմին հաղթել նախ Շվեյցարիային, ապա` Խորվաթիային: Վերջինիս հետ խաղին հետևել են Ռոման Աբրամովիչը, «Չելսիի» նոր մարզիչ Ժոզե Մոուրինյոն, ով այժմ «արաքայական» ակումբի մարզիչն է, և ակումբի գործադիր տնօրեն Պիտեր Կանյոն: Անգլիացիների մարզիչ Սվեն-Յորան Էրիկսոնը Ռունիի դեբյուտը համեմատել է 1958թ-ի Աշխարհի առաջնության ժամանակ Պելեի դեբյուտի հետ:

Անձնական կյանքը

«Այն փողոցում, որտեղ ապրել է Քոլին Մակլաֆլինը, ես իմ մանկության կեսն եմ անցկացրել: Այնտեղ ավելի հարմար էր ֆուտբոլ խաղալ, քան մեր փողոցում: Ես գիտեի նրա հարազատ եղբայրներին, իսկ նա՝ իմ զարմուհիներին: 13 տարեկանում նա ինձ դուր էր գալիս, և ես ցանկանում էի ժամադրել նրան: Քոլինը ամաչկոտ էր: Մեր առաջին ժամադրությունը տեղի ունեցավ հենց 13 տաերկանում՝ 2002թ-ի օգոստոսի 13-ին: Ես ֆուտբոլ էի խաղում հարևան տղաների հետ, երբ Քլինն ու զարմուհիս հեծանվով անցան: Հեծանիվի շղթան դուրս թռավ, և ես նորոգեցի այն: Քոլինն ասաց, որ Ջոն Տրավոլտայի մասնակցությամբ լավ ֆիլմ ունի, և եմնք կարող ենք դիտել այն: Օգոստոսի 17-ին «Էվերթոնում» իմ դեբյուտն էր.հենց այդ օրը համբուրվեցինք»,-հիշում է Ռունին:

2008թ-ի հունիսին զույգն ամուսնանում է Իտալիայի Ռիվյերա քաղաքում: Հարսանիքը տեղի է ունեցել 5 մլն. ֆունտ արժեցած «Ալիսիա» զբոսանավի վրա:

Ռունին և Քոլինը ունեն մեկ որդի՝ Կայը, բայց ընտանիքում շուտով համալրում է սպասվում: