Պերեսը ցանկանում է` Զիդանը լինի Անչելոտիի օգնականը

Մադրիդի «Ռեալի» նախագահ Ֆլորենտինո Պերեսը շարունակում է մտածել հաջորդ մրցաշրջանում թիմի նոր մարզչական շտաբի մասին, հաղորդում են իսպանական ԶԼՄ-ները:

Ըստ աղբյուրի հաղորդած տեղեկությունների’ «Արքայական» ակումբի ղեկավարը չի դադարում հուսալ, որ «ՊՍԺ»-ի ներկայիս գլխավոր մարզիչ Կառլո Անչելոտին հաջորդ մրցաշրջանից կաշխատի մադրիդյան թիմում: Պերեսն արդեն որոշել է, թե ով է լինելու իտալացի մասնագետի օգնականը. դա թիմի նախկին կիսապաշտպան Զինեդին Զիդանն է, ով նախկինում աշխատել է ակումբի սպորտային տնօրենի պաշտոնում:

Հիշեցնենք’ անձամբ Անչելոտին նշել է, որ «Ռեալից» առաջարկ չի ստացել ու կենտրոնացած է ֆրանսիական թիմի խնդիրների վրա: