«Բարսելոնայի» երկրպագուները նախընտրում են Հյումելսին
Նմանատիպ
Իսպանական Marca պարբերականը «Բարսելոնայի» երկրպագուների շրջանում հարցում է անցկացրել’ պարզելու նրանց կարծիքը’ կապված թիմի նոր կենտրոնական պաշտպանի ձեռքբերման հետ:
Հարցման արդյունքում պարզվել է, որ կատալոնական ակումբի համակիրների ճնշող մեծամասնությունը ցանկանում է թիմում տեսնել Դորտմունդի «Բորուսսիայի» պաշտպան Մատս Հյումելսին: Գերմանիայի հավաքականի ֆուտբոլիստի օգտին քվեարկել է հարցվածների 76%-ը:
Հիշեցնենք’ նախկին տեղեկացվել էր, որ «Բարսելոնան» ու «Բորուսսիան» համաձայնության են եկել Հյումելսի տրանսֆերի հարցում: Վերջինս կարող է իսպանական գրանդ տեղափոխվել 25 մլն. եվրոյով, բայց խնդիրը նրանում է, որ «կապտանռնագույնների» գլխավոր մարզիչ Տիտո Վիլանովային ավելի շատ հետաքրքրում է «ՊՍԺ»-ի պաշտպան Տիագու Սիլվան: Այս պահին ակումբի ղեկավարությունը սպասում է մասնագետի վերջնական որոշմանը:
Հետևեք մեզ նաև Telegram-ում