Պելեգրինի. Կասիլյասին հարգում եմ, իսկ Մոուրինյոյի մասին չեմ ուզում խոսել
08/05/2013 13:34
Նմանատիպ
«Մալագայի» գլխավոր մարզիչ Մանուել Պելեգրինին պատասխանել է «Ռեալի» գլխավոր մարզիչ Ժոզե Մոուրինյոյի ու դարպասապահ Իկեր Կասիլյասի վերաբերյալ հարցին, հաղորդում են իսպանական ԶԼՄ-ները:
Հիշեցնենք’ Իսպանիայի առաջնության շրջանակներում այսօր այս թիմերը հանդիպելու են միմյանց հետ:
-Ցանկացած կարծիք, որը ես կհայտնեմ, հակասություններ կառաջացնի: Դրա համար էլ չեմ ցանկանում ոչինչ խոսել: Իմ ժամանակ ես արդեն ընդգծել եմ, որ «Ռեալում» աշխատելը շատ դժվար է: Ես չէի ցանկանա վերլուծել Մոուրինյոյի աշխատանքը: «Ռեալը» մի ակումբ է, որի մասին խոսում են ամբողջ երկրում: Մեծ ճնշում կա բոլոր մակարդակներում: Ինչ վերաբերում է Կասիլյասին, ապա ես նրան հարգում եմ, ու մենք լավ հարաբերություններ ունենք,- ասել է չիլիացի մասնագետը:
Հետևեք մեզ նաև Telegram-ում